السبت، 9 يوليو، 2016

قصة ( ثعبان موسي )




قصص الحيوانات في القرآن الكريم بطريقة مبسطة و سهلة للاطفال
حدوتة.. ( ثعبان موسي )
كان ياما كان ....كان في زمان .....نبي من انبياء الله اسمه موسي عليه السلام 😃😃😃. و كان موسي عنده شوية خرفان بيرعاهم .....يعني بيربيهم و يأكلهم لحد ما يكبروا و يبيعيهم ....🐑🐑.....و كان عايش في منطقة اسمها ارض مدين ..... .😃😃
.و في يوم من الايام شاف سيدنا موسي فرع شجرة ........🌴🌴🌴 فعجبه و قطعه من الشجرة و شال منه الورق الاخضر ....فبقي زي العصاية .😋😋..و بقي بيستخدمه في حاجات كتير .....🌿🌿🌿 بقي بيسند عليه و هو ماشي كانه عكاز لما بيكون تعبان .....و بيهش بيه الخرفان بتاعته عشان متبعدش عنه🐑🐑🐑 بقي تقريبا مبيسيبهوش من ايديه.
و في يوم و موسي ماشي في منطقة كدة اسمها الوادي المقدس موجودة في سيناء ........😉😉😉 شاف نور جامد اوووي باين من بعيد .....🎊🎊🎊افتكرها موسي نار ........فقال لنفسه ........اما اروح اشوف النار دي و اجيب منها شعلة و لاحاجه اتدفي بيها انا و اهلي ....  و تنورلنا الطريق لما بنمشي بليل ......
و اول ما وصل موسي عند المكان اللي كان فيه النور الجامد دة ......ناداه ربنا و قاله انه اختاره علشان يكون نبي ......و طلب منه انه يروح لفرعون و قومه ......اللي هما بني اسرائيل 😃😃و يطلب منهم يأمنوا بربنا وحده.......لان مفيش اله غيره 😃😃😃.
سيدنا موسي خاف جدا ......و قال لربنا انه خايف لان فرعون دة كان عايز يقتله .. 😨😨😨 ربنا قاله متخافش انا هبعتك بمعجزة ......العصاية اللي في ايدك دي لو رميتها علي الارض .......😉😉😉 هتتحول لتعبان ضخم كبير جدا و اول ما تمسكها بايدك هترجع عصاية تاني ...🐍🐍🐍
و بالفعل اخد موسي العصاية و اخد معاه كمان اخوه هارون و راح لفرعون ...... 🐍🐍🐍. و اول ما دخل موسي قصر فرعون اللي كان فاكر نفسه اله و كان عايز الناس تعبده هو ......😱😱😱 قعد فرعون يسخر من موسي و يتريق عليه ...و مصدقش كلامه .......لحد ما موسي قاله طيب انا عندي بقي معجزة من ربنا .....😊😊😊 رد فرعون و قاله وريني كدة .....
رمي موسي العصاية بتاعته علي الارض ......فتحولت بقدرة ربنا لثعبان ضخم 🐍🐍🐍 و قعد الثعبان يزحف علي الارض و فتح بوقه و مشي ناحية فرعون ......😱😱😱 اتخض فرعون جدا من شكلها و قعد يصرخ و يقول لموسي عليه السلام ......ابعدها عني ...ابعدها عني .....😡😡😡
و اول ما مد موسي ايده و مسكها اتحولت بقدرة ربنا مرة تانية لعصاية ......😉😉😉
و بالرغم من ان فرعون شاف المعجزة دي بنفسه و بعينه ........الا انه برضه مسمعش كلام موسي و مأمنش بربنا ......😔😔😔😔 و فضل يتريق علي موسي و اتهمه انه ساحر كبير .....و انه مش نبي من انبياء الله .😠😠😠
و طلب فرعون من الوزير بتاعه هامان .....اللي كان بيشتغل عنده و بيساعده....😓😓😓 انه يجمع كل السحرة الموجودين في مصر .....علشان يجيوا و يقفوا ضد موسي و السحر بتاعه .......و ينتصروا عليه 😞😞😞
طلب فرعون من موسي انه يحدد يوم يعملوا فيه مواجهه كبيرة بينه و بين السحرة كلهم ........ و يشوفوا مين فيهم اللي هينتصر 😥😥😥
اختار موسي يوم اسمه يوم الزينة ....... كان المصريين زمان بيعملوا فيه احتفال كبير كل سنة 😳😳😳
و لما جه السحرة من كل مكان في مصر .......و كانوا شاطرين اوووي في حركات السحر اللي بيعملوها 😊😊😊
قابلهم فرعون و طلب منهم انهم ينتصروا علي موسي ......و يكشفوا للناس كلهم اللي هيتجمعوا انه ساحر مش نبي عشان محدش يصدقه 😃😃😃
ووعدهم فرعون انهم اذا انتصروا علي موسي هيديلهم جوائز كتير اووي .....و هيقربهم منه كمان
و في اليوم المحدد اتجمع ناس كتييير اووي علشان يشوفوا المسابقة الكبيرة بين موسي و السحرة 😃😃😃. و سأل السحرة موسي تبدأ انت و لا نبدأ احنا .......رد موسي و قالهم ابدأوا انتوا الاول ......😓😓😓
و فعلا بدأ السحرة يرموا العصيان بتاعتهم و الحبال بتاعتهم علي الارض .....😨😨😨 فاتحولت الي تعابين صغيرة ......و اتصور الناس انها ثعابين حقيقية .......لانهم كانوا سحرة شاطرين فعلا .🐍🐍🐍
و لما بصلهم موسي بدأ يخاف ......لكن ربنا طمنه انه هينتصر عليهم بأذن الله 😃😃
و رمي موسي العصاية بتاعته علي الارض .....فتحولت بقدرة ربنا لثعبان ضخم جدا 😄😄😄 اكبر من كل الثعابين اللي رمها السحرة .....و فتحت بوقها علي الاخر و اكلت كل الثعابين الصغيرة .....🐍🐍🐍🐍
و اول ما شاف السحرة اللي حصل ....استغربوا جدا 😉😉😉 و قالوا استحالة يكون موسي ساحر .....دة اكيد نبي من انبياء الله و راحوا ساجدين علي الارض .......🙈🙈🙈 و قالوا انهم مؤمنين بكلام موسي و انهم امنوا بربنا.
اتغاظ فرعون جدا منهم لانهم صدقوا و امنوا بموسي من غير هو ما يقولهم 🙊🙊🙊 و امر بتعذيب السحرة وقتلهم كلهم و بكدة انتهي دور ثعبان موسي .....اللي كانت السبب في ايمان عدد كبير جدا من بني اسرائيل بربنا اللي مفيش اله غيره هو اللي خلق الكون دة كله 😃😃😃
و توتة توتة خلصت الحدوتة
كتابة :شيماء عبدالعال / كاتبة قصص الاطفال