الخميس، 21 أبريل 2016

هام جداااا برجاء الدخول

تم اضافة قسم خاص بالأنشطة التعليمية للأطفال فى الأبلكيشن
لمشاهدة القسم الجديد برجاء تحديث الأبلكيشن اولا من متجر التطبيقات
 ( جوجل بلاى )

الخميس، 7 أبريل 2016

قصة الحصان السكر




حدوتة النهاردة..( الحصان سكر   )

حدوتة النهاردة الهدف منها توعية الاطفال باهمية الرفق بالحيوان 😃😃

كان ياما كان ...... كان في زمان حصان  اسمه سكر ........🐎🐎🐎  كان الحصان سكر دة شكله جميل اوووي و كان سريع جدا و قوي ......🐴🐴🐴 لو اشترك في اي سباق بيكسب علي طول و بياخد المركز الاول ........🐎🐎🐎.. صاحبه كان اسمه محمود  كان بيحبه جدا .......و كان بيعامل سكر كأنه انسان زيه........🐎🐎🐎 كان بيأكله بايديه و يطبطب عليه .......و بيديله السكر اللي هو بيحبه اوووي 😃😃😃 و ساعات كمان كان بيقعد جمب سكر و يتكلم معاه .......😊😊😊 و يحكيلوا لو في حاجه مزعلاه او مفرحاه ......و سكر كان بيحب محمود صاحبه جدا ..........😃😃😃 و في يوم من الايام .....قرر محمود انو يسافر بلد تانية  بسبب ظروف شغله...😏😏😏.و اضطر طبعا انو يبيع سكر ........لان معندوش حد يخلي بالوا منه و يراعيه في غيابه ...........😔😔😔 كان محمود حزين جدا و هو بيبع سكر لكن غصب عنه مكنش عنده حل تاني .....😱😱😱.

كان في واحد اسمه عم عبدالله ...كان صاحب اسطبل للخيول .......😖😖😖. كان عارف ان سكر حصان سريع جدا......و بيكسب في اي سباق يشترك فيه .........😡😡😡 و اول ما عرف ان صاحبه عايز يبيعه جري بسرعه و راح عشان يشتريه .........😓😓😓 دفع فيه فلوس كتير اوووووي بس قال مش مشكله ...😉😉😉...انا هخليه يشترك في سباقات كتيير  و هيكسب و هاخد جوايز فلوس كتيير😨😨😨  ......كان سكر  زعلان جدا ان صاحبه هيبيعه و هيسيبه و يسافر....😔😔😔

و لما راح مع عم عبدالله الاسطبل بتاعه ............مبقاش بياكل و علي طول قاعد لوحده  😱😱😱..و مبيحبش يلعب مع باقي الخيول.........😡😡 😡 جسمه تعب من قلة الاكل و بقي ضعيف و في اول سباق جري اشترك فيه عم عبدالله ل سكر ...😉😉  كان عم عبدالله متحمس جدا و عمال يقول للناس كلها انا متأكد ان سكر هو اللي هيكسب ......😃😃..دة سكر سريع جدا ........😊😊😊 و كان كل همه الفلوس اللي هيفوز بيها لما سكر يكسب السباق .........مكنش حتي مهتم بانه ياكله كويس و يدربه كويس عشان يفوز

للاسف سكر مكنش قادر يجري اصلا و خسر في السباق .......😱😱😱عم عبدالله زعل و اضايق جدا و لما رجع الاسطبل بتاعه قعد يضرب في سكر جامد ......😨😨 و يقولوا انت ازاي تخسرني السباق..........دانا مشتريك بفلوس كتيير اوووي .........😖😖😖 و سكر كان بيتألم جدا ....... 😭😭😭  لكن مكنش حتي قادر يجري او يدافع عن نفسه

سكر كان مضايق جدا لانه خسر السباق ....   .لانه كان متعود دايما علي الفوز بالمركز الاول  .....😒😒...لكن غصب عنه ......... كان في حصان ابيض جميل معاه في الاسطبل  .....شاف اللي حصل لسكر و صعب عليه جدا..... 😞😞😞 قرب منه و قاله معلش انا عارف انك تعبان و جسمك بقي ضعيف  انت لازم تاكل كدة هتتعب و ممكن تموت ........اكل سكر حبه اكل صغيرين ............

و تاني يوم جالوا عم عبدالله و قالوا .....😤😤😤..اعمل حسابك عندك سباق تاني يوم الجمعه الجاي..... انت لازم تكسب و لو مكسبتش هتشوف اللي هيحصلك ......😫😫😫

بدأ السباق و فضل سكر يجري و يجري علي  قد ما يقدر لكن للاسف خسر برضه 😰😰 عم عبدالله  زعل جدا و كان هيتجنن و لما رجع الاسطبل قعد يضرب في سكر جامد و قعد يقوله انت كل مرة تخسر .......😥😥😥و حبسه في اوضه لوحده و قالوا انا هحرمك من الاكل لمدة اسبوع .....

.فات اول يوم و تاني يوم و سكر محبوس في الاوضه لوحده من غير اكل .........الحصان الابيض الجميل كان عمال يفكر يساعده ازاي ......لكن مش عارف 😌😌😌 و في الاخر جاتله فكرة انو يجمع شوية اكل في بوقه و يحطهم لسكر من تحت الباب ..........كان سكر هيموت من الجوع .........😢😢😢 و اول ما شاف الاكل اللي الحصان الابيض حطهولوا من تحت الباب ......جري عليه و اكله بسرعه ........و فضل الحصان الابيض يسأله ........خلصت الاكل ????  اجيبلك تاني 😢😢😢 و يجري يجيب حبه اكل تاني و يديلوا ........و فجأه .......جه عم عبدالله ......و شافه ...........الحصان الابيض كان مرعوب .........🐴🐴🐴 و قعد يقول لنفسه اكيد دلوقتي هيضربني ........و هيحبسني انا كمان .........😱😱😱

اتصدم عم عبدالله من المنظر و ووقف مكانه.......و قعد يفكر و يلوم نفسه علي اللي عمله .....و يقول لنفسه .......😔😔😔😔 انا ايه اللي جرالي ....انا ايه اللي عملته دة .......انا ليه كنت عنيف اووي مع سكر و كنت بضربه ...😭😭... رغم انو حيوان ضعيف و المفروض كنت ابقي حنين عليه ........و اعامله كويس و اهتم بيه و اكله كويس و اديلوا السكر اللي بيحبه و اشجعه و ادربه كتير عشان يكسب في اي سباق 😓😓😓...... مش بالعنف و الضرب .......بقي الحيوان طلع بيفهم اكتر مني و طلع احن مني علي الحصان سكر .........و حس بيه و صعب عليه و فكر يساعده ازاي و يدخله اكل .....😱😱😱😱.......انا ندمان علي اللي عملته ........و لازم اغير معاملتي دي

جري عم عبدالله ناحية الحصان الابيض اللي كان مرعوب منه و طبطب عليه بحنيه و فتح الباب لسكر و طلعه ........😊😊😊و فضل يكلمه و يعتذرله و يطبطب عليه و راح جابلوا سكر كتير و فضل يحطلوا و ياكلوا في بوقه ........بقي الحصان سكر فرحان جدا و سعيد .......😊😊😊و رجع ياكل و يلعب مع اصحابه و يتدرب كويس .......و رجع  يكسب اي سباق يشارك فيه و ياخد المركز الاول تاني .....😃😃😃

و توته توته خلصت الحدوتة ...يارب تعجبكم و تعجب اولادكم

بقلم شيماء عبد العال