الاثنين، 29 فبراير، 2016

قصة علاء الدين و المصباح السحري الجزء الاول




قصة علاء الدين و المصباح السحري الجزء الاول 
..............................................................
عاش في قديم الزمان شاب يدعى علاء الدين وكان لعلاء الدين عم يبحث عن الكنوز ، و قد اشتهرت عائلة علاء الدين بالسرقة ،و في يوم من الأيام ذهب علاء الدين مع عمه ليبحث معه عن كنز مدفون في باطن الارض في إحدى المغارات ، فطل
ب منه عمه أن ينزل الى المغارة ليحضر له مصباحاً في داخلها، نزل علاء الدين الى المغارة و وجد فيها الكثير من الذهب لكنه لم يوليه أي اهتمام ،بل ذهب لأن يحضر المصباح لعمه
واجه علاء الدين بعض المشاكل لكنه تعداها إلى أن أخذ المصباح ،
و ما إن أمسك به حتى أغلقت المغارة عليه ،أشعل علاء الدين المصباح لكنه تفاجأ بصوت يخرج منه ، تلفت حوله و إذا بمارد يخرج من المصباح ،خاف علاء الدين كثيراً
قال المارد لعلاء من أنت فأجابه بأن اسمه علاء الدين ،
شكره المارد لأنه قام بإخراجه من المصباح قائلاً له: لقد كنت نائماً في هذا المصباح منذ مئات السنين ، و سأنفذ لك أي شيء تأمرني به مكافأة لك على ذلك، فأجاب علاء المارد بأنه يريد الخروج من المغارة و الذهاب الى البيت فنفذ له المارد ما طلب
في تلك الأثناء كان عم علاء الدين قد ذهب ليبحث عن كنز في مكان بآخر ظناً منه أن علاء قد مات في المغارة ولكنه لم يحزن على علاء لانه كان شرير
و في ذلك الزمان كان هناك سلطان يسمى قمر الدين وكان لهذا السلطان بنت اسمها الأميرة ياسمين و قد اشتهرت بجمالها و أخلاقها ،قابل علاء الدين الأميرة ذات يوم و أعجب كل منهما بالآخر
أراد علاء أن يتقدم لياسمين ، لكنه كان فقيرا ولم يستطع ذلك ، وكان وزير السلطان لديه ابن واتفق مع الملك لان يزوج الاميرة من ابنه الذي كان يهتم لمظهره أكثر من اللازم وكان غبي ، وبعد أن وجد علاء الدين المصباح وذهب الى البيت ،
أخبر أمه بكل ما حصل معه ، وعندها طلب علاء الدين من المارد أن يحضر له خاتم سليمان السحري فأحضره له وطلب علاء الكثير من المال والهدايا وذهب علاء الدين الى السلطان ليطلب يد الاميرة ياسمين للزواج فقال السلطان لعلاء الدين أن ابنته مخطوبه لابن الوزير فحزن علاء الدين لذلك حزنا شديداً و عاد الى منزله
لو عجبتكو استنو الجزء التانى المرة الجاية .

فوائد حدوتة قبل النوم





فوائد حدوتة قبل النوم
لحدوتة قبل النوم فوائد عدة فهي ليست فقط للتسلية
وقت للتواصل.. لانشغالك طوال اليوم، قد لا تتسنى لكِ الفرصة للتواصل مع طفلك، لذلك تعطيكِ حدوتة قبل النوم المساحة من الوقت لتقضيه أنتِ وطفلك فقط.
تساعد طفلك على النوم.. بعد يومه الطويل يهدأ طفلك ويستعد للنوم على صوتك الدافئ المطمئن وأنتِ تروي له الحدوتة.
توصيل الحكمة أو العظة بدون إعطاء أوامر أو نصائح.. من خلال حدوتة قبل النوم تستطيعين توصيل رسالة معينة لطفلك بطريقة غير مباشرة.
التفكير المنطقي.. الأطفال غالباً غير صبورين، ودائماً يريدوا أن يعرفوا ماذا سيحدث بعد ذلك، شجعيهم على أن يفكروا «ماذا سيحدث»، تلك الطريقة ستساعد طفلك على التفكير المنطقي من خلال سلسلة الأحداث في القصة، سيتوقع ماذا سيحدث أو ماذا ستكون ردة فعل الشخصيات.
تنمية اللغة.. سيتعلم طفلك مفردات جديدة من خلال القصص، مما سينمي اللغة عنده، ابقي بجانبك القاموس لتبحثي عن الكلمات الجديدة ومعناها في السياق.
التحفيز على التخيل.. قراءة كتاب من عدة فصول سيجعل طفلك يتخيل الشخصيات، مما سيحفز التخيل والإبداع عنده.
حب القراءة.. إذا ما أصبحت حدوتة قبل النوم عادة، ستنمو مع طفلك وعندما يكبر ستصبح القراءة قبل النوم عادة أيضاً، ومن ثم القراءة في أي وقت.
وضع روتين.. يحب الأطفال أن تنظم حياتهم ويحبون الروتين اليومي، مما سيعلمهم التخطيط ليومهم حسب مهامهم فيما بعد.
شعور طفلك أنه محبوب.. حقيقة أنكِ تستقطعين من وقتك نصف ساعة أو أكثر لتقرائي لطفلك قبل النوم، فهذا يعطي لطفلك رسالة مهمة.. ألا وهي أنكِ تحبيه وتفضليه دائماً، وأنه برغم انشغالك له مكانه الخاص.
إليكِ بعض النصائح التي ستساعدك:
ابدأي حدوتة قبل النوم قبل أن تطفئي النور بنصف ساعة.
ضعي حدا لما تقرأينه حتى لا تسترسلي في القراءة إلى منتصف الليل مثلا،
استرخي وشاركي طفلك سريرة، أو اجلسيه على حجرك في كرسي هزاز، أو أي كرسي آخر مريح لكما.
عند القراءة غيري في صوتك حسب الشخصيات، ويمكنك أيضاً أن تقومي بأصوات مصاحبة حتى يندمج طفلك أكثر.
إذا كان كتاباً مصوراً، استكشفي الرسم أنتِ وطفلك، وأسأليه إذا كان هو من يقوم بالرسم.. ماذا كان قد رسم أيضاً.
وأنتِ تقرائي اسألي طفلك أسئلة مفتوحة، مثل ماذا سيحدث؟ ماذا كان سيفعل هو في ذلك الموقف؟
قارني سلوكيات الشخصيات في القصة بمواقف حياتية واقعية، واستخدميها كأداة تعليم.
اسألي طفلك «ماذا كنت ستفعل لو أنك مكان الشخصية؟ وما رأيك بما قامت به الشخصية؟، هل سيكون لك تصرفا آخر؟»
استمتعي بوقتك وشاركي طفلك حماسته وضحكاته، فذلك وقتكما سوياً استمتعوا به لأقصى درجة.

قصة العصفور الكاذب لغرس الصدق فى الأطفال



قصص اطفال

مكملين مع بعض سلسلة غرس القيم فى عن طريق  قصص الاطفال  و زى ما اتفقنا مع بعض ان القصص دلوقتى من احدث  الاساليب المستخدمة لتربية الاطفال و غرس القيم فيهم وهى طريقة افضل بكتير من طريقة التوجيه والنصح المباشر ونتائجها مع الاطفال بتكون فعالة جدا لو استخدمت بالطريقة الصحيحة

[divider]

لو دى اول مرة تتابعنا ياريت ترجع لأول جزىء فى السلسلة  عشان تعرف ازاى  حتستخدم الطريقة دى مع طفلك بشكل فعالة وتحقق افضل النتائج وحتلاقى اول جزىء على الرابط ده سلسلة غرس القيم عن طريق قصص الاطفال

[divider]

اسم القصة :- العصفور الكذاب

القيمة المستفادة من القصة :- قيمة الصدق

العمر المناسب للقصة :- مناسبة لمرحلة رياض الاطفال من عمر سنتين

[divider]

قصة العصفور الكاذب


كان يا مكان فى سالف والاوان كان فى عائلة من العصافير تعيش فى سلام وامان فى عش هادىء و جميل وكان الجميع يحب المرح واللعب  ويخرجون سويا ويعودا معا وعندما يذهب الاب والام لاحضار الطعام كانا يتركان ابنهما العصفور الصغير حتى بعودا .

و عندما يريد الاب والام الخروج للعمل

تقول الام للعصفور الصغير : لا تخرج من العش حتى نعود من الخارج

فيقول العصفور :- حاضر يا امى لن اخرج حتى تعودا من الخارج

و مرت الأيام وفى يوما من الأيام

قال العصفور لنفسه :- ماذا يحدث اذا خرجت العب خارج العش واعود اليه قبل ان يحضر ابى وامى من الخارج ؟

و فعلا خرج العصفور الصغير واخذ يلعب لوقت قصير ثم عاد الى العش قبل وصول ابيه و امه من الخارج

وعندما وصل الوالدان

قالت الأم للصغير :- هل خرجت من العش ؟

فكر العصفور الصغير قليلا ثم قال لا لم اخرج من العش يا امى ولن اخرج ابدا طالما انتم فى الخارج وهنا كذب العصفور الصغير على امه وفرح الأبوان وهما لا يعرفان انه يكذب عليهم او ظل العصفور الصغير يخرج يوميا يلعب خارج العش

واذا ساله الأب او الأم هل خرجت اليوم من العش ؟

فيقول لا وبالفعل اطمئن الأب و الأم على صغيرهما لانه لا يخرج من العش حتى يعودا من الخارج

قصص اطفال



وفى يوم من الأيام خرج العصفور الصغير من العش ليلعب كعادته وفى هذا اليوم قابله طائر كبير اراد ان يضربه ورأى احد العصافير العصفور الصغير يبكى ويصرخ من الخوف لان الطائر الكبير سوف يضربه

فذهب الى والد العصفور الصغير و والدته مسرعا وقال لهما ان ابنكما خارج العش ويحال طائر كبير ان يضربه

قالت الأم : ابنى لا يخرج من العش حتى نعود ولقد قال لنا ذلك وابنى لا يكذب ابدا

وواصل الأب والأم عملهما حتى انتهيا منه وعادا الى العش فوجد عصفورهما الصغير يبكى من الم الضرب وخائف من الأب والأم وحزين لانه كذب عليهما ولم يقل لهما الحقيقة

قالت الام هل خرجت من العش ؟

قال نعم وكنت اخرج كل يوم وكذبت عليكما واخذ يبكى ويبكى

حزنت الام على ابنها لانه كذب عليهما ولم يسمع كلامهما

وحزن الاب لانه لام يساعده وينقذه من هذا الطائر الكبير لانه كان يعلم ان ابنه لا يكذب ابدا

ووقف الجميع حزينا على هذا الموقف

فقال العصفور الصغير :- انا اسف يا امى انا اسف يا ابى لن اكذب ابدا عليكما مرة اخرى او على احد

قالت الام :- انا سامحتك ولكنى كنت خائفة عليك

فالذى يكذب دائما يتعرض للخطر ولا يحبه الناس والصدق ينجى دائما من الاشياء الضارة

قال العصفور :- لن اكذب ابدا وساقول الصدق دائما ان شاء الله

[divider]
ماذا نتعلم من هذه القصة :-



  • الكذب يوقع صاحبه فى المشكلات

  • الناس لا يحبون الكذاب

  • الطفل الصادق يحبه الأب والأم وتحبه المعلمة




السبت، 27 فبراير، 2016

قصة الكتكوت المغرور

قصة الكتكوت المغرور
=============
قصة تعلم الطفل ان الغرور سلوك سىء
كان ياما كان ما يحلى الكلام الا بذكر النبى عليه الصلاة والسلام ونخلى الطفل يردد الصلاة على النبى 
صَوْصَوْ كتكوت شقي، رغم صغر سنه يعاكس إخوته، ولا يطيق البقاء في المنزل، وأمه تحذره من الخروج وحده، حتى لا تؤذيه الحيوانات والطيور الكبيرة. 
غافل صَوْصَوْ أمّه وخرج من المنزل وحده، وقال في نفسه : صحيح أنا صغير وضعيف، ولكني سأثبت لأمي أني شجاع وجرئ. 
قابل الكتكوت في طريقه الوزّة الكبيرة، فوقف أمامها ثابتاً، فمدّت رقبتها وقالت : كاك كاك. 
قال لها: أنا لا أخافك .. وسار في طريقه وقابل صَوْصَوْ بعد ذلك الكلب، ووقف أمامه ثابتاً كذلك .. فمدّ الكلب رأسه، ونبح بصوت عال: هو .. هو ..، التفت إليه الكتكوت وقال: أنا لا أخافك. 

ثم سار صَوْصَوْ حتى قابل الحمار .... وقال له: صحيح أنك أكبر من الكلب، ولكني .. كما ترى لا أخافك! فنهق الحمار: هاء.. هاء ..! وترك الكتكوت وانصرف. 
ثم قابل بعد ذلك الجمل، فناداه بأعلى صوته وقال: أنت أيها الجمل أكبر من الوزة والكلب والحمار، ولكني لا أخافك. 
سار كتكوت مسروراً، فرحان بجرأته وشجاعته، فكل الطيور والحيوانات التي قابلها، انصرفت عنه ولم تؤذه، فلعلها خافت جُرْأته. 

ومرّ على بيت النحل، فدخله ثابتاً مطمئناً، وفجأة سمع طنيناً مزعجاً، وهجمت عليه نحلة صغيرة، ولسعته بإبرتها في رأسه، فجرى مسرعاً وهي تلاحقه، حتى دخل المنزل، وأغلق الباب على نفسه. 
قالت أم صَوْصَوْ له : لا بد أن الحيوانات الكبيرة قد أفزعتك . فقال وهو يلهث : لقد تحديت كل الكبار، ولكن هذه النحلة الصغيرة عرفتني قدر نفسي.
وتوتا 000 توتا 00  فرغت الحدوتة 000 حلوة 00 ولا بنتوتة

الأربعاء، 24 فبراير، 2016

"أســنان سامي " قصة للأطفال بقلم: صباح ديبي





"أســنان سامي " قصة للأطفال بقلم: صباح ديبي
رسوم: جيهان بدراوي
نام سامي وقد نسي أن ينظّف أسنانَه بعد أن أكلَ حلوى كثيرةً.
حزنت أسنانُهُ وخافت أن يهاجمها السوس فتصيبه بالآلام.
قال العمُّ ضرس: نادوا على صديقنا كوب الماء، حتى يرش وجه سامي ويوقظه
.
فنادت الأسنانُ كوبَ الماء، وقام برش الماء على وجه سامي ، فاستيقظ سامي فزعًا، وقال: من أيقظني، من رشقني بالماء؟
فأجاب كوب الماء: أنا، أسنانك تشتكي, انظر إلى المرآة لترى ماذا تريد.
نظر سامي إلى المرآة وشاهد الأسنانَ وهي حزينةٌ، وقال: ما بك يا أسناني الجميلة، مما تشتكين؟
فردّت عليه: كيف تنام دون أن تقوم بتنظيفنا؟ ألا تعلم أن التسوس سيهاجمنا ويصيبنا بالآلام وعندها لن تستطيع النوم.
قال سامي : ولكني قمت بتنظيفك بالأمس، هل يجب عليّ فعل ذلك كل يوم؟
فأجابته: بالتأكيد، وليس فقط كل يوم بل بعد كل وجبة طعام حتى تحافظ على نظافتنا وبياضنا.
قالت الخالة فرشاة الأسنان : سأساعدك في تنظيف أسنانك .
وقامت بوضع معجون الأسنانِ فوق رأسها وأخذت تنظّف أسنان سامي جيدًا.
ثم جاء الكوبُ ووضع قليلاً من الماء وقال لسامي أن يتمضمض ليزيل آثار المعجون.
شعر سامي بالسعادة عندما رأى أصدقاءه مهتمين به وبأسنانه الجميلة حفاظًا على سلامتها، ووعد أسنانه بدوام تنظيفها بعد كل وجبة طعام، حتى لا ينالها التسوس.




الثلاثاء، 23 فبراير، 2016

حدوتة ستحدثك عن معالجة الخجل لدي الطفل





حدوتة ستحدثك عن معالجة الخجل لدي الطفل


نيرة طفلة ذكية ومتفوقة لكن من الصعوبة ان يعلم احد بذلك لانها دائما خجول ولا ترد علي الاسئلة ..وليس لها اصدقاء ..ابوها دائما يقول(سلمي علي عمك)وهي تخجل ...وتنسحب ..ماما دائما تقول عنها(انطوائية)وهي لا تعرف لماذا وما معني انطوائية،؟المهم ان الامر زاد...فقد اصبحت ترفض التجاوب مع اي صديقة وتسرع الي الانعزال...كان لابد من الذهاب الي الاخصائية النفسية...ماما انتظرت بالخارج. ..نيرة كانت تبكي امام الاخصائية بصوت غير مسموع...الاخصائية قالت بلطف(لماذا تبكين؟؟)نيرة لم ترد...الاخصائية كانت تعرف من ماما قبل ذلك ان نيرة تحب القطط...قالت لها(هل تريدين رؤية قطتي؟)أثار السؤال انتباه نيرة وكفت عن البكاء لكن لم ترد...،،احضرت الاخصائية قطتها البيضاء الرائعة..نيرة اخذت تنظر اليها باهتمام تمنت ان تسأل عن اسمها لكنها خجلت...القطة اخذت تموء(مياووو)..تظاهرت الاخصائية النفسية بالتفكير(تري ما بها؟)..قالت نيرة(انهاجائعة)...قالت الاخصائية(وكيف عرفت؟)..نيرة قالت(من صوتها)...قالت الاخصائية(هل تساعدينني في اطعامها)وافقت نيرة...جلست القطة تأكل...بينما قالت الاخصائية(لو لم تصدر القطة صوتا لما علمنا انهاتحتاح الطعام...لابد ان نتكلم عما بداخلنا...الله رزقنا الصوت لنتكلم..)نيرة...كانت تستمع بتركيز؛؛؛في المرة التالية لم تبك حين جاءت وكانت تقول للاخصائية ...(كيف حال القطة؟)...الاخصائية حكت لنيرة قصة نوسة الخجول...وكيف منعها الخجل من الاشتراك بالمسابقات....نيرة قالت(الناس يضحكون مني..ربما يضحكون من نوسة ايضا)...اهتمت الاخصائية كثيرا بكلمات نيرة...هذا هو السبب الكامن خلف الخجل ...اعتقدها ان الناس يسخرون منها...ردت الاخصائية(ولماذا يسخرون؟)(انت تتكلمين يا نيرة باسلوب رائع ..من يسخر مما لا يستحق السخرية انسان غير منضبط)..نيرة فرحت قليلا ثم قالت(اصل صوتي منخفض)...الاخصائية ردت(وماذا في ذلك ؟علينا ان ننصح لا ان نسخر...ثم ان بامكانك رفع صوتك قليلا)...نيرة اقتنعت ان من سخر منها كان مخطئا وكان عليه ان ينصحها. اصبحت واثقة ...لم تسلم علي قريباتها ولكن فكرت ان تقول (اهلا )بصوت مرتفع....فرحت امها... شيئا فشيئا ...تلاشي اعتقادها ان الناس يسخرون منها اقناع الطفل عقليا امر ضروري لعلاج اي مشكلة....لان لكل مشكلة اسبابا كامنة...

الحلقة 10 .. الهجرة إلي الحبشة

الحلقة 10 .. الهجرة إلي الحبشة



السلام عليكم و رحمة الله 
أزيكم يا أحلي أمهات ... عاملين إيه ... ‏‎smile‎‏ رمز تعبيري 
يلا سوا مكملين ....
قولوا بسم الله ...و به نستعين
------------------------------------------
الحلقة 10

كان ياما كان و ما يحلي الكلام غير بذكر النبي ...
عليه الصلاة و السلااااااااام .

المسلمين سابوا مكة ... البلد الجميلة اللي فيها الكعبة ...
و كانوا بيحبوها أوي ....
بس سابوها غصب عنهم و سافروا الحبشة ....لييييه ؟
عشان الكفار ...الأشرار كانوا بيضايقوا و يعذبوا المسلمين ...
عشان يخلوهم يعبدوا الأصنام ....

و عاش المسلمين في الحبشة عند الملك الطيب
اللي مش بيظلم ولا بيضايق حد
اسمه إيه الملك ده؟؟؟ ..... اسمه النجاشي .... ملك الحبشة .

بس الكفار الأشرار بعتوا اتنين منهم .... و معاهم هدايا حلوة كتييير للملك النجاشي عشان يرجع المسلمين .....

و إدوا الهدايا للملك و قالوله : "فيه ناس أشرار جم بلدك الحبشة ... خليهم يرجعوا معانا !!"
...قصدهم علي المسلمين الطيبين

الملك كان طيب و عادل ...رد عليهم و قالهم : " لأ أنا مش هخلي حد يرجع معاكم ... عشان هما دخلوا بلدي خايفين
و أنا لازم أحميهم ...و هجيبهم هنا و أسالهم عن كل حاجة " .

فالملك جاب المسلمين ..... و سألهم :

أنتوا ليه جيتوا عندي الحبشة ؟؟ و ليه سيبتوا أهلكوا في مكة ؟ ...

قام جعفر .... جعفر بن أبي طالب .... أبن عم الرسول عليه الصلاة و السلام ...و قال :

يا ملك ....أحنا في مكة كنا عايشن مع أهلنا ...و كنا كلنا بنعبد الأصنام .. و مكناش عارفين الصح ..
و كنا بنعامل بعض وحش ...و محدش بيهتم بقرايبه ... و بنضايق جيرانا ...و القوي بيضرب الضعيف .... و بنظلم بعض
لغاية لما جه سيدنا محمد ... الصادق الأمين ...
النبي اللي ربنا أختاره ....و علمنا ...علمنا الصح ....و علمنا الخير ....
خلانا نعرف أن الأصنام دي متقدرش تعملنا حاجة
علمنا نعبد ربنا ...و ندعي ربنا ... عشان هو بس اللي يقدر يعملنا كل حاجة .
علمنا نقول الصدق ...
علمنا يبقي عندنا أمانة و نحافظ علي حاجة بعض ...
علمنا نحب قرايبنا و نسأل عليهم .....
علمنا نحب جيرانا و نساعدهم ...
علمنا ما نأذيش الضعيف ولا اليتيم و نحافظ علي مشاعرهم و نحبهم و نساعدهم ...
فسمعنا كلام سيدنا محمد ... و آمنا بيه ....
لكن الكفار اللي لسه بيعبدوا الأصنام ....
أذونا و عذبونا عشان يخلونا نرجع نعبد الأصنام بتاعتهم ...
فجينا عندك الحبشة لما عرفنا إنك ملك عادل ... و مش بتظلم حد ...و بتدي كل إنسان حقه .

فالملك بص لجعفر ...و قاله : قولي كلام ربنا ...القرآن .... اللي سيدنا محمد علمهولكوا .

جعفر قاله حاضر و فضل يقرأ قرآن " سورة مريم " .

الملك الدموع نزلت كتير من عينه ... عيط عشان اتأثر بكلام ربنا ...
و قال للمسلمين :
أنا مش ممكن أسلمكم للكفار أبدا .... أنتوا هتفضلوا عايشين عندي في الحبشة في أمان ...
و محدش من الكفار هيقدر يضايكوا و أنتم عندي ‏‎grin‎‏ رمز تعبيري

فرجع الكفار لمكة ... و هما حاسين إنهم متغاظين أوي‏‎grin‎‏ رمز تعبيري

اللهم صل علي سيدنا محمد

د. رشا رشاد

قصة اليوم : تعالوا نبوس الحجر الاسود



قصة اليوم : تعالوا نبوس الحجر الاسودحبايبى الحلوين النهارده احكى لكم حكاية الحجر الاسود الحجر الاسود ده حجر من حجارة الجنةانزله الله سبحانه وتعالى الى الارض وكرمه الله وجعله بداية طواف المسلمين حول الكعبة المشرفة
عارفين حبايبى الحلوين ان سيدنا محمد(صلى الله عليه وسلم ) كان يقبل الحجر الاسود لانه يعلم انه من الجنة فاحبه كما احب الجنة
يعنى المسلم لما يقبل الحجر الاسود يقبله لانه يحبه ولا يقبله لانه يعبده لان المسلم لايعبد الاالله
زى حبايبى لما ماما تقبلك تقبلك لانها احبك
حبايبى ان شاء الله لما تروحوا عمره او حج وتشوفوا الناس كتيررر جداااا يطوفون حول الكعبة
حتحسوا حبايبى عظمة الله سبحانه وتعالى ايه الناس دى كلها من كل مكان فى العالم تركوا بيوتهم واهلهم وانفقوا اموالهم وجهدهم
عارفين ليه علشان ربنا حبب اليهم هذا المكان وضاعف الاجر لزواره فالصلاة فى المسجد الحرام بمائة الف صلاة للفريضة والنافلة (السنن)
وكمان لما تحجوا حبايبى او تعتمروا حتشوفوا جبل الصفا وجبل المروة اللى ستنا هاجر ام سيدنا اسماعيل وزوج سيدنا ابراهيم سعت بينهما لتبحث لوليدها عن الماء ففجر الله لها بئر زمزم
اللى لسه بنشرب منه لغاية دلوقت سبحان الله
حبايبى مكة المكرمة احب مكان فى الارض عند الله وعند رسول الله (صلى الله عليه وسلم)
اللهم ارزقنا وحبايبى الحلوين حج بيتك يارب
عارفين حبايبى الحلوين ان سيدنا محمد(صلى الله عليه وسلم ) كان يقبل الحجر الاسود لانه يعلم انه من الجنة فاحبه كما احب الجنةيعنى المسلم لما يقبل الحجر الاسود يقبله لانه يحبه ولا يقبله لانه يعبده لان المسلم لايعبد الااللهزى حبايبى لما ماما تقبلك تقبلك لانها احبكحبايبى ان شاء الله لما تروحوا عمره او حج وتشوفوا الناس كتيررر جداااا يطوفون حول الكعبةحتحسوا حبايبى عظمة الله سبحانه وتعالى ايه الناس دى كلها من كل مكان فى العالم تركوا بيوتهم واهلهم وانفقوا اموالهم وجهدهمعارفين ليه علشان ربنا حبب اليهم هذا المكان وضاعف الاجر لزواره فالصلاة فى المسجد الحرام بمائة الف صلاة للفريضة والنافلة (السنن)وكمان لما تحجوا حبايبى او تعتمروا حتشوفوا جبل الصفا وجبل المروة اللى ستنا هاجر ام سيدنا اسماعيل وزوج سيدنا ابراهيم سعت بينهما لتبحث لوليدها عن الماء ففجر الله لها بئر زمزماللى لسه بنشرب منه لغاية دلوقت سبحان اللهحبايبى مكة المكرمة احب مكان فى الارض عند الله وعند رسول الله (صلى الله عليه وسلم)اللهم ارزقنا وحبايبى الحلوين حج بيتك ياربعارفين حبايبى الحلوين ان سيدنا محمد(صلى الله عليه وسلم ) كان يقبل الحجر الاسود لانه يعلم انه من الجنة فاحبه كما احب الجنة
يعنى المسلم لما يقبل الحجر الاسود يقبله لانه يحبه ولا يقبله لانه يعبده لان المسلم لايعبد الااللهزى حبايبى لما ماما تقبلك تقبلك لانها احبكحبايبى ان شاء الله لما تروحوا عمره او حج وتشوفوا الناس كتيررر جداااا يطوفون حول الكعبةحتحسوا حبايبى عظمة الله سبحانه وتعالى ايه الناس دى كلها من كل مكان فى العالم تركوا بيوتهم واهلهم وانفقوا اموالهم وجهدهمعارفين ليه علشان ربنا حبب اليهم هذا المكان وضاعف الاجر لزواره فالصلاة فى المسجد الحرام بمائة الف صلاة للفريضة والنافلة (السنن)وكمان لما تحجوا حبايبى او تعتمروا حتشوفوا جبل الصفا وجبل المروة اللى ستنا هاجر ام سيدنا اسماعيل وزوج سيدنا ابراهيم سعت بينهما لتبحث لوليدها عن الماء ففجر الله لها بئر زمزماللى لسه بنشرب منه لغاية دلوقت سبحان اللهحبايبى مكة المكرمة احب مكان فى الارض عند الله وعند رسول الله (صلى الله عليه وسلم)اللهم ارزقنا وحبايبى الحلوين حج بيتك ياربعارفين حبايبى الحلوين ان سيدنا محمد(صلى الله عليه وسلم ) كان يقبل الحجر الاسود لانه يعلم انه من الجنة فاحبه كما احب الجنة

يعنى المسلم لما يقبل الحجر الاسود يقبله لانه يحبه ولا يقبله لانه يعبده لان المسلم لايعبد الااللهزى حبايبى لما ماما تقبلك تقبلك لانها احبكحبايبى ان شاء الله لما تروحوا عمره او حج وتشوفوا الناس كتيررر جداااا يطوفون حول الكعبةحتحسوا حبايبى عظمة الله سبحانه وتعالى ايه الناس دى كلها من كل مكان فى العالم تركوا بيوتهم واهلهم وانفقوا اموالهم وجهدهمعارفين ليه علشان ربنا حبب اليهم هذا المكان وضاعف الاجر لزواره فالصلاة فى المسجد الحرام بمائة الف صلاة للفريضة والنافلة (السنن)وكمان لما تحجوا حبايبى او تعتمروا حتشوفوا جبل الصفا وجبل المروة اللى ستنا هاجر ام سيدنا اسماعيل وزوج سيدنا ابراهيم سعت بينهما لتبحث لوليدها عن الماء ففجر الله لها بئر زمزماللى لسه بنشرب منه لغاية دلوقت سبحان اللهحبايبى مكة المكرمة احب مكان فى الارض عند الله وعند رسول الله (صلى الله عليه وسلم)اللهم ارزقنا وحبايبى الحلوين حج بيتك ياربفى حفظ الله حبايبى الحلويين
بقلم : تيتا سهير


السبت، 20 فبراير، 2016

الحلقة 9 .. الدعوة الجهرية

بسم الله
مكملين يا أحلي أمهات ... و هنستعين بالله
و يا رب يقدرنا ... و نكمل للآخر ... إن شاء الله
و دعواتكم الحلوة مهمة أوي .
------------------------------------------
الحلقة 9 (الدعوة الجهرية )
لما أقول سيدنا محمد ..... ولادي الممتازين يردوا و يقولوا ...هااااا ؟
عليه الصلاة و السلام
فضل سيدنا محمد 3 سنين .... 3 سنين بيعلم الناس في السر ...
في بيت اسمه إيه ؟...دار ابن الأرقم .
لغاية لما جبريل عليه السلام ... قال لسيدنا محمد .... إن ربنا بيأمره ..
أنه يعرف كلللل الناس .... و يعلن لكللللل الناس ....
يعرفهم انه النبي اللي ربنا اختاره .
فسيدنا محمد جمع كلللل أهله و قرايبه ....
و قالهم ... :
أنتو قرايبي و عارفين إني عمري ما قلتلكوا إلا الصدق ..
أنا ربنا أختارني إني أكون النبي ...
اللي هيعلمكوا و يعلم كلللل الناس .
و ربنا واحد .. هو اللي خلقنا ..
وما بنفعش نعبد حد تاني غير ربنا..
و اللي هيعمل خير و هيطيع ربنا و يسمع كلامه
هيدخل الجنة ...و اللي هيعبد أي حاجة تانية
هيبقي من أهل النار ... "
فأهله سكتوا و قعدوا يفكروا في كلامه ...
إلا واحد من أهل سيدنا محمد ...
عمه ....
عمه ابو لهب ....
كان عمه قلبه قاسي و من الأشرار ..
و ما بيحبش يسمع كلام ربنا ....
أبو لهب قال لأهله و قرايبه :
"محدش يسمع كلام سيدنا محمد ... ولا يساعده ...
لو حامتوه أو ساعدتوه ... كل الناس هتحاربكوا .. و هتموتكوا !!!"
بس عمه التاني أبو طالب ..كان طيب ..
هو اللي ربى سيدنا محمد ... قال لأبو لهب :
" لأ!!!! أنا هقف مع سيدنا محمد .... و هساعده ...
و مش هخلي أي حد يؤذيه أو يضايقه ! "
بس للأسف عمه أبو طالب كان بيعمل زي الكفار ... بيعبد الأصنام ...
و خايف يبطل يعمل كده ... و خايف يسمع كلام سيدنا محمد
و يعبد ربنا بس ....لحسن الكفار يتريقوا عليه ...و يضايقوه و يشتموه .
ففضل أبو طالب يعبد الأصنام و بيحمي سيدنا محمد و بيمنع أي حد إنه يؤذيه .
(طب كده ...هيدخل الجنة و لا النار ؟؟ .... طبعا هيدخل النار ...
لأن أي حد هيعبد حاجة غير ربنا ... هيدخل النار ...)
سيدنا محمد قال لأهله .. بس لسه مقالش لأهل مكة ...
فطلع فوق جبل .... جبل جنب الكعبة .... اسمه جبل الصفا ....
و قف سيدنا محمد و نده علي علي الناس ...بصوت عالي أوي ...
الناس كلها اتجمعت حوالين الجبل
كل أهل مكة اتجمعوا ...
فسيدنا محمد سألهم : لو قلتلكم كلامي هتصدقوه ؟؟!!!
فردوا و قالوا : "طبعا أنت عايش طول عمرك معانا ..
و عمرك ما قولت إلا الصدق
و عمرك أبدا ما كذبت و احنا عارفينك ..."
فقالهم : ربنا أختارني إني أكون رسول .. عشان أقول لكل الناس ...
إنهم يعبدوا ربنا بس .... وحده ... عشان يدخلهم الجنة ...
و اللي هيعبد الأصنام ...الحجارة اللي ما بتسمعش و لا بتكلم ولا تفهم ..
أو يعبد أي حاجة تانية غير ربنا ....هيدخل النار .... اعبدوا ربنا وحده "
الناس فضلوا يفكروا في كلام سيدنا محمد ...إلا واحد ...عمه ...عمه الشرير
....أبو لهب ...بص لسيدنا محمد .... و قاله : تبا لك !!! ....
دي كلمة وحشة معناها ... هتخسر و تموت ...
سيدنا محمد ماردش عليه ...
بس ربنا بعت الملاك جبريل" عليه السلام " يقول لسيدنا محمد كلام ربنا ....
(تَبَّتْ يَدَا أَبِي لَهَبٍ وَتَبَّ)
يعني ربنا قال .. أبو لهب هو اللي هيخسر و هيموت ...
و هيموت كافر و هيدخل النار .
مرات أبو لهب ... كانت هي كمان ست شريرة .... اسمها أم جميل
و عرفت إن ربنا بيقول إن أبو لهب هو اللي هيخسر و هيموت و هيدخل النار ...
فراحت جابت حجر كبير عاوزة ترميه علي سيدنا محمد ...
سيدنا محمد كان قاعد عند الكعبة و معاه سيدنا أبو بكر ...
جت مرات أبو لهب الشرير (أم جميل )
و بتدور علي سيدنا محمد عشان تضربه بالحجر ..
أبو بكر خاف لحسن تعمل حاجة وحشة في سيدنا محمد
بس سيدنا محمد قاله متخافش ...
راحت مرات أبو لهب عند أبو بكر ...و قالت له : فين صاحبك ؟!!! فين محمد ؟؟!!!
أنا لو شوفته هضربه بالحجر .
يا اااااااه .... ده سيدنا محمد قاعد جنب سيدنا أبو بكر ...
بس ربنا خلاها متشوفوووش خاااالص ... عشان ربنا بيحفظ سيدنا محمد .
و مشيت مرات أبو لهب !!!
و سيدنا محمد قال لأبو بكر .... ربنا هو اللي خلاها متشوفنيش .
كان فيه ناس بتعبد الأصنام .... لما سمعت كلام سيدنا محمد ....
آمنت بيه و سمعت كلامه ....و بقوا مسلمين ..... مؤمنين طيبين ...
بس الكفار الأشرار اللي لسه بيعبدوا الأصنام بقوا متضايقين أوي ...
زعلانين ان كل يوم ناس بتسمع كلام سيدنا محمد ...
و تبقي مسلمة ...و مؤمنة ...و طيبة .... و تسيب الأصنام ....
فقعدوا يفكروا في خطط .... خطط شريرة .
قعد الكفار مع بعض ...يفكروا نعمل إيه ؟؟؟
ده كمان الناس هييجوا من بره مكة و هيسمعوا كلام سيدنا محمد ...
واحد منهم قال : أيوة !! .... أنا عندي فكرة !!!أحنا نقول للناس اللي هتيجي مكة ...أوعوا تكلموا محمد !!! لحسن ده ساحر و هيعمل فيكوا سحر يخليكوا مؤمنين طيبين !!!
فالكفار بقوا يقعدوا في الطريق ... و اللي يدخل مكة يقولوا له أوعي تكلم محمد ..ده ساحر .... هيخليك تسيب الأصنام !!!!
بس ما حدش من الناس سمع كلامهم !!! و الناس راحت لسيدنا محمد ....و عرفوا إنه النبي ... و آمنوا بيه و بقوا مسلمين و مؤمنين طيبين .
الكفار اتغاظوا أوي ... و قالوا خلاااااص .... احنا هنعمل فكرة تانية !!!
هنفضل نضايق سيدنا محمد .... و نشتمه ... و نشتم المؤمنين و نتريق عليهم
لغاية لما يرجعوا يعبدوا الأصنام ...
فبقي الكفار الأشرار يشوفوا واحد مؤمن فقير هدومه مقطوعة ....
يفضلوا يتريقوا عليه عشان فقير ..
سيدنا محمد حزن و اتضايق .... بس ربنا قاله ما يحزنش ولا يزعل ...
و قاله لما تضايق ...سبح ربنا ... يعني قول .... سبحان الله .. سبحان الله
و اسجد لربنا و صلي ..... و ربنا هيخلي كل الحزن يروح من قلبك ....
و هيخليك تنتصر عليهم ... و تكسبهم ....
سيدنا محمد عمل اللي ربنا قاله له ... و بقي متأكد إنه هينتصر عليهم
( ولقد نعلم أنك يضيق صدرك بما يقولون فسبح بحمد ربك وكن من الساجدين واعبد ربك حتى يأتيك اليقين ) سورة الحجر
الكفار الأشرار .... قالوا : "خلااااص .... هنعمل خطة جديدة...
... مش هنخلي حد من الناس يعرف يسمع كلام سيدنا محمد ...هنفضل نعمل دوشة و نغني عشان محدش يسمع القرآن ....واللي مش هيعبد الأصنام بتاعتنا ...هنضربه و هنعذبه .... "
راح الكفار الأشرار جابو المؤمنين ...و اختاروا المساكين ...
و ربطوهم بالحبال و حطوهم في الشمس ...
من غير ماية و لا أكل ....
و حطوا حجارة سخنة علي جسمهم ....
و قالولهم : هااااااا؟؟؟ هتعبدوا الأصناااام ؟؟
و المؤمنين ردوا : لأ .... ربنا بس ..هنعبد ربنا بس ...ربنا واحد .
.....و فضل المؤمنين يقولوا :" أحد .... أحد" .....
يعني ربنا واحد ...و مش هنعبد غيره !!!
عذبوا ...بلال بن رباح
و عذبوا عمار بن ياسر و ابوه وأمه ..
و مسلمين تانيين كتير ...
بس سيدنا محمد ... قال للمسلمين علي الحل ....
فيه بلد بعيد بعيييييييييد اسمها الحبشة
....بيسافروا ليها بالسفينة ...
و هناك فيه ملك .... ملك عادل و طيب و مش بيظلم حد ...
اسمه النجاشي ..
سيدنا محمد قال للمسلمين اللي خايفين من الكفار يسافروا ( يهاجروا ) للحبشة ..
و يقعدوا هناك ....عشان محدش يؤذيهم .... و يعبدوا ربنا بحرية ...
و سافر مسلمين كتير للحبشة ... و عاشوا فيها مبسوطين ...
بس الكفار اتغاظوا ... و عملوا إبه .. ؟؟
بعتوا رجلين من الكفار ...و معاهم هدايا كتير كتيييير لملك الحبشة
عشان يخلوه يرجع المسلمين اللي رحلوله.....
بس يا تري ملك الحبشة هيوافق يرجعهم و لا لأ ؟؟؟
و نكمل الحلقة الجاية ...
و أخيرا متنسونيش في دعوة حلوة ليا و لولادي ....
اللهم صل علي سيدنا محمد ...
د. رشا رشاد

الجمعة، 19 فبراير، 2016

الحلقة 8 .. الدعوة السرية

بسم الله 
الأمهات حبايبي ....
هنكمل مع بعض ... السيرة ببساطة هنحكيها ....
-------------------------------------------------------
الحلقة 8 ( الدعوة السرية )

كان يا ما كان و ما يحلي الكلام ..... غير ...... بذكر النبي .... عليه الصلاة و السلام ...
......هاااااا ؟ عليه الصلاة والسلااااااااام ...... ممتازيييين !

سيدنا محمد و السيدة خديجة ....
بعد لما رجعوا من عند ورقة ابن نوفل اطمنوا و عرفوا إن النبي اللي ربنا اختاره هو سيدنا محمد .

فالسيدة خديجة آمنت بسيدنا محمد ....يعني إيه؟
يعني قالت أنا هسمع كلام سيدنا محمد في كل حاجة هيقولي عليها ...
عشان هو النبي اللي هيعلمني كلام ربنا .

يبقي مين أول حد آمن بسيدنا محمد و سمعت كلامه ؟؟
السيدة خديجة .... ممتازيييييين

-------------------------------------------
(الجزئية دي كنت هشيلها عشان التطويل ... بس حكتها لابني و عجبته و استوعبها
فقلت خلاص هكتبها ... و لو شيلتيها مش هتأثر في السياق )

سيدنا محمد اطمن و رجع الغار تاني ..... فوق ... فوووووق الجبل ....
و قعد هناك يعبد ربنا ..... و يدعي ربنا .....و مرت الأيام في غار حراء
و سيدنا محمد مستني جبريل "عليه السلام " يرجع تاني ...

بس جبريل "عليه السلام " مجاش ....
و سيدنا محمد فضل برضه يعبد ربنا ....و يدعيه
و لما خلص ....
نزل من الجبل عشان يرجع لبيته ....

و بعدين لما وصل لآخر الجبل تحت و مشي سمع صوت بينده عليه ...
بص حواليه ملقاش حد .... فبص في السما ....

فشاف الملاك جبريل" عليه السلام" اللي جاله في الغار ....
فخاف أوي برضه ... لأنه لسه مش متعود أنه يشوفه ...
و رجع بيته بسرعة ...
أول لما رجع البيت كان خايف و بيرتعش برضه ...
و السيدة خديجة غطته بسرعة ...
بس المرادي سيدنا محمد سمع صوت جبريل عليه السلام ...
و هو بيقوله كلام ربنا .... القرآن ..
سمعه بيقول :
" يا أيها المدثر ..... قم فأنذر ...."
المدثر ...يعني اللي بيتغطي ...
يعني يا محمد ...أنت بتتغطي عشان خايف ...متخافش... و قوم علم الناس يعبدوا ربنا ...عشان يدخلوا الجنة
و قولهم اللي هيعبد الأصنام ربنا مش هيحبه و هيبقي مكانه في النار ....
فــــــــــ ......
---------------------------------------

سيدنا محمد اطمن وبقي مش خايف ..
و عرف إنه النبي اللي ربنا اختاره
و إن جبريل هو الملاك اللي هيقوله كلام ربنا
عشان سيدنا محمد يعلم الناس كلها .

سيدنا محمد بدأ يقول للناس .... بس في السر
يقولهم إنه النبي ... و أنهم لازم يعبدوا ربنا بس ...
و يعملوا الخير و تبقي أخلاقهم طيبة .

كان بيقول كده للناس في السر ... عشان الكفار ...أشرار
و لو عرفوا هيؤذوه و هيضايقوا المؤمنين الطيبين .

أول راجل آمن بسيدنا محمد ... يعني سمع كلامه و صدقه ...
كان سيدنا أبو بكر الصديق ...ده كان صاحب سيدنا محمد ...
و أبو بكر عارف من زمااان إن سيدنا محمد صادق أمين ... و عمره ما قال غير صدق ...
فآمن بيه علطول .

و أول ولد صغير آمن بسيدنا محمد ... أسمه علي .... سيدنا علي
( هنحكلكوا عليه بعد كده قد إيه بقي بطل قوي لما كبر )
كان عنده 10 سنين لما آمن بسيدنا محمد ..
و بقي ولد مؤمن طيب بيسمع كلام سيدنا محمد .

و كل يوم يعدي ... ناس كمان تعرف عن سيدنا محمد ....
و يبقوا مؤمنين طيبين ... بس في السر
و كانوا لما يبقوا عايزين يصلوا يستخبوا ورا الجبل عشان الكفار الأشرار ما يشفوش.
( للأمهات...الصلاة كانت ركعتين وقت الظهر و العشا قبل الإسراء و المعراج)

و كانوا بيتجمعوا في السر في بيت اسمه ....... دار ابن الأرقم ...

يقعد المؤمنين الطيبين مع بعض و معاهم سيدنا محمد صلي الله عليه و سلم

يعلمهم القرآن .... كلام ربنا ...
و يعرفهم إن ربنا اللي خلقهم و خلق كل حاجة في الدنيا ...
و إنهم يعبدوا ربنا بس ...لأن ربنا بس هو اللي يقدر يعملنا كل حاجة .
و يعلمهم الأخلاق الطيبة ...
الصدق و الأمانة و العطف علي المساكين و كل أعمال الخير

فضل سيدنا محمد .....3 سنين ....
3 سنين يقول للناس في السر ...
و يعلمهم في السر ....

لغاية لما جبريل " عليه السلام " قاله لازم تعرف كل الناس
و تعلن للكل ... كل الناس لازم تعرف ....

بس يا تري الكفار الأشرار ...لما يعرفوا هيحصل إييييييييه ؟؟؟؟؟؟؟؟؟

هنكمل الحلقة الجاية ‏‎smile‎‏ رمز تعبيري

ومش هنتأخر إن شاء الله ... عشان ابني ماشي ورايا بيزن
" مش هتقوليلي الكفار هيعملوا فيهم إيه ؟؟؟!!!

بقلم
د. رشا رشاد

الثلاثاء، 16 فبراير، 2016

الحلقة 7 .. الوحي

الحلقة 7 .. الوحي 


السلام عليكم و رحمة الله
الأمهات والمعلمات حبايبي .... استعينوا بالله ...
و هنجدد النية ...
هنحكي السيرة لولادنا ... و نعرفهم حياة الرسول و اخلاقه
عشان يبقي هو المثل و القدوة و المعلم الأول ليهم ‏‎smile‎‏ رمز تعبيري
و عشان لما يتبعوا سنته ...يبقي بيتبعوها بحب و سعادة .
نكمل سيرة خير الأنام .
بسم الله
الحلقة 7 ( الوحي )
كان يا ما كان ....... و ما يحلي الكلام .... غير ....... هاااااا؟؟
بذكر النبي عليه الصلاة و السلام ..... و الحلوين بس هما اللي بيعرفوا يقولوا
عليه الصلاة و السلام ...
آخر مرة قلنا إن سيدنا محمد بقي عنده 40 سنة
....و كان متعود يعبد ربنا فوق الجبل... اسمه جبل النور
.....جوة غار ... غار حراء ..........
بس في يوم من الأيام .... في شهر رمضان ...
سيدنا محمد ....... طلع الجبل
و دخل الغار ... غار حراء ... عشان يعبد ربنا ..... زي ما هو متعود .....
عارفين إيه اللي حصل ؟
ربنا اختار اليوم ده .... عشان يبعت لسيدنا محمد ملاك ... جوة الغار ..
عشان يعلم سيدنا محمد
.... هيعلمه كلام ربنا .....
هيعلمه القرآن .
الملاك ده ..... اسمه إيه؟
اسمه جبريل ( عليه السلام)
سيدنا محمد قاعد جوه الغار ...... بيعبد ربنا و بيدعيه ....
جه جبريل ( عليه السلام ) لغار حراء ....
و قال لسيدنا محمد : " اقرأ "
سيدنا محمد رد : " ما أنا بقاريء " .... يعني أنا مش بعرف أقرأ .
فجبريل (عليه السلام) ضمه ... يعني حضنه جامد .... و بعدين سابه
و قاله تاني : " اقرأ "
فرد الرسول صلي الله عليه و سلم : "ما أنا بقاريء " ...... يعني أنا مش بعرف أقرأ.
فجبريل (عليه السلام) ضمه تاني ..... يعني حضنه جااامد ..... و بعدين سابه
و قاله تالت مرة : "اقرأ "
بس سيدنا محمد رد المرادي : ماذا أقرأ ؟ ..... يعني أقرا إيه؟؟؟
فجبريل (عليه السلام) قاله :
" اقرأ باسم ربك الذي خلق ، خلق الإنسان من علق ، اقرأ و ربك الأكرم ، الذي علم بالقلم، علم الإنسان ما لم يعلم "
و بعدها اختفي جبريل (عليه السلام) من الغار فجأة .
الرسول عليه الصلاة و السلام خاف أوي ....
و نزل من الجبل بسرعة ...
و هو جسمه عرقان و بيرتعش ...
جري بسرعة علي بيته ....
عند السيدة خديجة .
سيدنا محمد صلي الله عليه و سلم كان خايف ....
لأنه لسه مكنش يعرف ان جبريل ( عليه السلام ) هو ملاك من عند ربنا .
و إن ربنا بعته عشان يعلم سيدنا محمد القرآن ....كلام ربنا .....
اللي هيخلي الناس تعمل الخير و تبعد عن الشر .
أول لما السيدة خديجة فتحت ليه الباب لقته خايف أوي ....
و جسمه بيرتعش و عرقان .....
قالها بسرعة : " زملوني ....زملوني " ...... يعني غطوني غطوني !!
فالسيدة خديجة بسرعة جابت غطي تقيل
..و دفته بيه ( مثلي و انت بتحكي)
لأن جسمه كله كان بيترعش ....
و كانت خايفه عليه أوي ...
و بتنشف عرقه ... ( مثلي إنك بتعملي كده )
لغاية لما بقي كويس
و بعدين السيدة خديجة سألته : إيه اللي حصل ؟؟
فحكي ليها كل اللي حصل ... و قالها قد إيه كان خايف .
السيدة خديجة طمنت سيدنا محمد ....
عارفين قالتله إيه ؟
قالتله :
" متخافش ...ربنا مش هيخلي أي حاجة وحشة تحصلك ..
لأنك دايما بتقول الصدق ... و دايما طيب مع كل قرايبك و بتهتم بيهم
و دايما بتريح أي إنسان تعبان .... و دايما أخلاقك أحسن أخلاق ....
و كمان بتكرم ضيوفك ....و لو أي حد حصله مشكلة علي طول بتساعده ...
فمتخافش أبدا .... عشان اللي بيعمل الأعمال الطيبة دي ربنا بيحميه "
و بعدين قالت له :
" تعالي نروح نسأل عن اللي حصل ده ... نسأل ابن عمي .... "
اسمه ..... ورقة ابن نوفل ...... كان راجل عجوووووز أويييي أوي .
و كان بيقرا كتييييييير كتير
و كان عارف إن فيه نبي ربنا هيختاره عشان يعلم الناس كلها ...
و كان عارف صفاته .
راحوا لورقة ابن نوفل ...
و حكوا ليه كل اللي حصل .
عارفين قالهم إيه ؟؟؟
بص لسيدنا محمد و قاله :
" و الله ... أنا متأكد إن انت النبي اللي ربنا اختاره ...
و اللي جالك في غار حراء هو جبريل ...
الملاك اللي ربنا بيبعته للأنبياء عشان يعلمهم
و ربنا بعته لكل الأنبياء اللي قبلك
و بعته ليك ... عشان انت النبي اللي ربنا اختاره "
بس ورقة ابن نوفل ... قاله علي حاجة كمان .... حاجة تخوف ‏‎frown‎‏ رمز تعبيري
قاله :
" خد بالك !!!!!
....أهل مكة الكفار ( الوحشين ) اللي بيعبدوا الأصنام
لما يعرفوا إنك النبي اللي ربنا أختاره هيحاربوك و هيؤذووك
و هيخلوك تمشي و تسيب مكة ... "
سيدنا محمد سأله :
هيخرجوني من مكه ؟؟؟؟؟
فرد عليه ورقة ابن نوفل : أيوة ....مفيش نبي ربنا بعته إلا ولازم يحاربه الكفار و يطردوه
ورقة ابن نوفل راجل عجوووز أوي زي ما قلنا ..
بص لسيدنا محمد و هو زعلان و قاله :
" نفسي كنت أكون شاب ..أو أكون لسه عايش لما يحاربوك
عشان أساعدك علي قد ما أقدر و أكون معاك "
و راح قايم ورقة ابن نوفل ....الراجل العجوز ...
ووطي علي راس سيدنا محمد و باس راسه (مثلي عشان تفهميه )
لما عرف إن ده الإنسان اللي ربنا اختاره عشان يكون النبي
اللي هيعلم كل الناس أوامر ربنا . ‏‎smile‎‏ رمز تعبيري ‏‎smile‎‏ رمز تعبيري
اللهم صل علي سيدنا محمد
بقلم
د. رشا رشاد