الجمعة، 29 يناير 2016

حدوتة (توتة وعرايسها)

(توتة وعرايسها)
توتة بنت صغنتوتة عندها لعب كتير مالية اوضيتها
توتة بتحب تستكشف وتفتح اللعب وتكسرها لما بقت الأوضة مليانة لعب مكسورة
وف يوم من الأيام عمو عز رجع من الخارج وحب يزور الأستاذ عادل ابو توتة واخد هدايا العيلة وبالتحديد عروسة جميلة وأرنوب ظريف ودبدوبة أمورة واخدتهم توتة ولأنهم لسة لعب جديدة حطيتهم فوق رف مكتبتها وكمان من فرحتها بيهم اختارت لهم اسماء الفاكهة اللى بتحبها اختارت للعروسة (خوخة) والأرنوب (مشمش) والدبدوبة (تفاحة)وبعد ما سمتهم وكلمتهم راحت تقعد مع عمها عز علشان تشكره على الهدايا الجميلة دىولأنها مش بتشوفه غير كل فترة طويلة
وفى الوقت ده دار حوار فى أوضتها بين عرايسها خوخة
هتكسرنا احنا كمان
مشمش- عندك حق طيب وايه العمل؟
تفاحة - يا خبر داحنا وقعنا فى خبر كان بعد ما كنا قاعدين على رف فى محل اللعب وكل يوم صاحب المحل بينضفنا من التراب
وتهش من حولينا الدبان ...بعد كدا نيجى لتوتة المهملة ..لازم نفكر فى حل ..بدل ما يبقى مصيرنا زى اللعب دى
خوخة- انا جتلى فكرة ...انا جت لى فكرة احنا طبعا مش هنعرف نخرج من الباب...لكن ممكن ممكن نستخبى ونسيب ورقة مكتوبة
نكتب فيها لتوتة ونقول لها احنا خفنا من اهمالها وسبناها ومشينا ومش هنرجع لها تانى الا لما اوضيتها تبقى نضيفة وتحافظ على لعابها وتبطل اهمال ..
واتفقت خوخة واصحابها ورا المكتبة وميخرجوش الا لما يشوفوا توتة هتعمل
ودخلت توتة الأوضة وبصت ع اللعب ملقتهاش ..دورت فى كل كمان لحد ما لقت رسالة ع المكتب مكتوب فيها طلباتهم
توتة بكت وقالت يا خسارة اللعب سبونى ...للدرجة دى أنا وحشة
انا فعلا غلطانة وعلشان كدا لازم أغير من نفسى وأحافظ على لعبى وأنضف أوضتى
- ايه ده البنت اللى اسمها توتة دى باين عليها مهملة جدا وواضح انها مش بتحافظ على لعبها وبتكسرها وزى مكسرت كل ده

وبسرعة توتة لمت كل اللعب المكسورة
وفرزتها اللى ينفع حطته فى صندوق اللعب والمعدوم حطته فى صندوق الزبالة ورتبت حاجتها وحطت كل حاجة فى مكانها وبقت أوضتها جميلة ومرتبة ونضيفة ولما دخلت مامتها مصدقتش ان دى أوضتها وقالت
الله ايه الجمال ده يا توتة لازم فيه سر
توتة - ايوة يا ماما السر ان اللعب اللى جبهالى عمو عز سبتنى ومشيت بسبب اهمالى ووعدونى لو بقت أوضتى نضيفة ومرتبة
وحافظت على لعبى هيرجعوا تانى وأنا والله يا ماما عمرى ما أهمل فى لعبى وأوضتى خالص
(خوخة من ورا المكتبة شاطرة يا توتة فعلا النظافة من الأيمان )
وفجأة خرجت خوخة واصحابها وهما سعداء
وتوتة توتة فرغت الحدوتة
وفرحت توتة باللعب ومامتها سعيدة بالصفة الجديدة اللى أكتسبتها توتة والفضل يرجع لخوخة ومشمش وتفاحة وبسرعة توتة ادت لكل لعبة بوسة وحطتهم بشويش فى المكتبة ومن يومها بقت توتة منظمة ونظيفة وعرفت ان المسلم لازم يكون نضيف ولأن النظافة من الأيمان.

ليست هناك تعليقات:

إرسال تعليق